МОМЧ-2023. Қўшни мамлакатлар чемпионатлари ва у ердаги ўзбекистонликлар

Coca Cola Суперлигаси билан бир қаторда қардош мамлакатларда ҳам чемпионат ўйинлари старт олди. Фақатгина Туркманистонда 1-тур баҳслари энди старт олишини айтмаганда, қолганлари чемпионатни бошлаб юборишди. Келинг, қуйида чемпионатлар ҳамда у ерда тўп тепаётган ўзбекистонлик футболчилар ҳақида мулоҳаза юритамиз.

Қозоғистон чемпионати

Ўзбекистонлик футболчилар

"Тобол" - Игорь Сергеев

"Ордабаси" - Бобир Абдихолиқов

"Ордабаси" - Шаҳбоз Умаров

Чемпионатимиз билан даражаси ўхшаш бўлган Қозоғистонда ҳам айнан 5-тур баҳслари якунланди. Иголь Сергеев тўп тепадиган "Тобол" ўз майдонида "Астана"га имкониятни бой бериб қўйган бўлса, номи юқорида таъкидланган қолган икки футболчимиз ўйнайдиган "Ордабаси" "Ақтобе" билан муроса кўчасини танлади.

Ортда қолган 5 турдан сўнг "Қизилжар" клуби 100 фоизлик натижа қайд этган ҳолда турнир жадвалида пешқадамлик қилмоқда. Биз учун кўпроқ қизиқ бўлган "Ордабаси" ва "Тобол" 4 ва 5-ўринларда қўшни бўлиб туришибди. Тўпурарлар баҳсида эса "Ақтобе" ярим ҳимоячиси Максим Самородов 4 та гол билан пешқадамлик қилмоқда.

Қирғизистон чемпионати

Ўзбекистонлик футболчилар 

Алай - Ислом Абдуллаев 

Алай - Жавоҳир Соҳибов 

Алай - Абдулазиз Юсупов 

Дордой - Кемран Нажафалиев

Қора Болта - Муҳриддин Аҳмедов

Нефтчи Қўчқор Ота - Азамат Аҳмедов 

Нефтчи Қўчқор Ота - Муҳаммадали Турсунов 

Нефтчи Қўчқор Ота - Достонжон Рашидов 

Нефтчи Қўчқор Ота - Отабек Ҳайдаров 

Нефтчи Қўчқор Ота - Жавоҳир Расулов 

Талант - Муҳаммадқодир Раҳимберганов 

Ошму Алдиер - Абдулбори Воситжонов 

Ошму Алдиер - Акром Ходжаев

Ошму Алдиер - Марадона Сафаров

Ошму Алдиер - Пўлатжон Шарипов 

Ошму Алдиер - Муҳаммадали Ашуров

Ошму Алдиер - Абураҳмон Абдулҳақов 

Ошму Алдиер - Элнур Турғунов 

Ошму Алдиер - Акмалжон Юлдашев

Қозоғистон чемпионатидан фарқли ўлароқ, Қирғизистонда анча-мунча ватандошларимиз тўп тепади. Премьер-лигасида 10 та жамоа иштирок этадиган чемпионатдаги клубларнинг яримидан кўпида ўзбекистонлик футболчиларни учратиш мумкин. Шарқий қўшниларимизда ҳозирча 2-тур баҳслари ортда қолди.

Турнир жадвалида 6 очко билан "Нефтчи" пешқадамлик қилмоқда. Улар билан бир хил очко жамғарган "Алай" эса иккинчи поғонани банд этган. Кучли учликка "Абдиш-Ата" якун ясаган. Тўпурарлар рўйхатида "Алга" ўйинчилари Абай Боколеев ва Антон Землянухин, шунингдек, "Абдиш-Ата" аъзоси Илья Кожухарь ва "Нефтчи" футболчиси Акрамжон Умаров 2 тадан гол уриб, етакчилик учун курашмоқда.  

Тожикистон чемпионати

Ўзбекистонлик футболчилар

Хўжанд - Хушнудбек Бозоров 

Хатлон  - Рустам Қўчқоров

Файзканд -  Зуфарджон Акбаралиев

Эсхата - Олимджон Каримов

Эсхата - Санжар Рихсибоев

Хосилот - Темур Маматмуродов

Куктош - Темур Машарипов

Куктош - Мухиддин Одилов

Куктош бош мураббийи - Абдужаббор Маруфалиев

Тожикистонда ҳам ўзбекистонлик футболчиларнинг анча-мунчасини учратиш мумкин. Эҳтимол, бизнинг рўйхатга кирмай қолган юртдошларимиз ҳам бўлиши мумкин. Тожикистонда ҳам иккинчи тур баҳслари ўтказилди ва қуйидаги натижалар қайд этилди:

6 апрель (пайшанба)

7. «Куктош» – «Хосилот» – 0:3

9. «Хатлон» – «Эсхата» – 0:2

7 апрель (жума)

6. «Истиклол» – «Файзканд» – 2:1

8. ЦСКА – «Равшан» – 0:0

10. «Хўжанд» – «Регар-ТадАЗ» – 2:2

Турнир жадвалида доимгидек "Истиқлол" карвонбошилик қилмоқда. "Эсхата" эса душанбеликларни таъқиб қилишга уриниб кўради. 

Туркманистон чемпионати

Туркманистон чемпионатининг янги мавсумига 14 апрель куни старт берилади. Юқори лигада 9 та клуб иштирок этади. Қуръага кўра, илк турда қуйидаги жамоалар куч синашади:

“Копетдаг” – “Шагадам”

“Алтин Асир” – “Небитчи” 

“Марв” – “Ашхабад” 

“Ахал” –  “Энергетик”  

Дам олади - “Аркадағ”