МЛС. Бэйл дебют голини урди ва жамоасининг ғалабасига ҳисса қўшди
24 июл 2022 08:20
Новости

МЛС. Бэйл дебют голини урди ва жамоасининг ғалабасига ҳисса қўшди

МЛС 22-турида Ғарбий Конференцияда пешқадамлик қилаётган “Лос Анжелес” сафарда “Спортинг Канзас Сити”га қарши тўқнаш келди.

Учрашувда ҳисоб меҳмонлар аъзоси Кристиан Аранго томонидан очилди. 2-тайм ўрталарида захирадан ўйинга қўшилган Гарет Бэйл янги жамоасида дебют голини урди ва учрашувга якуний нуқта қўйди – 2:0. Уэльслик ўтган турда янги жамоасидаги илк ўйинини ўтказган.

Эслатиб ўтамиз, “Лос Анжелес” мусобақа жадвалида 45 очко билан пешқадамлик қилмоқда.