Миршоҳид Тиллабоев: "Мухлислар учун қизиқарли турнир бўлди"

“Аввалам бор Футзал бўйича Осиё чемпионатига бағишланган ушбу кичик турнир ташкилотчиларига, улар қаторида Мирзаҳаким ака Тўхтамирзаевга ўз миннатдорчилигимни билдираман. Ушбу турнирдан асосий мақсад соғлом турмуш тарзини қўллаб – қувватлашга қаратилган деб ўйлайман. Юртимиз тинч, осмонимиз мусаффо бўлгани учун шундай мусобақалар, турнирлар ташкил этилмоқда. Ўйин ҳақида гапирадиган бўлсам ҳакамларимиз ҳаммага маълум, жисмоний тайёргарликлари шундоқ ҳам билиниб турипти.

"Бунёдкор" жамоаси вакилларини ҳам барча футболчилари яқин бир икки йил олдин фаолиятини якунлашган. Уларнинг ҳам ҳаракатлари ўйин давомида сезилиб турди. Бизни жамоанинг асосини санъаткорлар ва МОҚ вакилларидан ташкил топган. Бизнинг таркибда ҳаваскор футболчилар бўлгани учун қолган жамоалардан анча кучсиз кўриндик. Лекин мухлислар учун қизиқроқ жамоа биз бўлдик деб ҳисоблайман. Бу ерда асосий вазифа ғолиб бўлиш эмас балки мухлислар учун чиройли футбол намойиш этиш. Аввалги турнирда тўртта жамоа қатнашган бўлса бугунги турнирда 6та жамоа иштирок этди. Булар, "Осиё” жамоаси улар ҳам ярим профессионал футболчилар ҳисобланишади. Бундан ташқари Олий лига ҳакамларимиз, “Бунёдкор” жамоаси ходимлари қўшилгани айни муддао бўлди. Бу сафарги турнир аввалгисидан қизиқроқ бўлди. Бундай турнирлар давомий бўлса биз бундан албатта хурсанд бўламиз”, - деди Миршоҳид Тиллабоев.