"Милан" ва "Челси" Жиру трансфери бўйича келишувга эришди

Жиру жума куни "Милан" учун тиббий кўрикдан ўтади ва 2 йилга мўлжалланган шартномага имзо чекади. 

Франциялик форвард яқинда "Челси" билан шартномасини бир йилга узайтирганди, бироқ унда агар таклифлар бўлса, клуб уни қўйиб юбориши борасида банд бор эди.

"Россонерилар" Жиру эркин агент бўлишини кутиб ўтиришмади ва у учун 1 миллион евро тўлашга рози бўлишди.

Оливьу Жирунинг "Милан" билан шартномаси 2023 йилгача тузилади, футболчи йилига 4 миллион евро олади.

34 ёшли Жиру "Арсенал"дан "Челси"га 2018 йилда ўтган эди. У "аристократлар" таркибида 113 ўйинда қатнашиб, 39 та гол урди.