"Месси шунчаки шартномага имзо қўйиш учун келганди". Аслида кеча нима бўлганди?

Футболчи унинг шартномаси билан боғлиқ вазият қай тарзда ўзгариб кетганидан ҳайрон қолган. У Барселонага келиб, шунчаки шартномага имзо чекаман ва жума куни жамоа билан машғулотларга киришаман деб ўйлаган.

Лионелнинг отаси Хорхе Месси кеча клуб офисига келганда, янги шартнома имзоланган бўлишини кутган эди, аммо "Барса" президенти Жоан Лапорта улар олдида узр сўраган ва клуб Мессини рўйхатдан ўтказа олмаслигини айтган.

Шундан сўнг аргентиналикнинг вакили Лео "Барса"да қолиш учун маошининг яна ҳам камайишига тайёр эканлигини айтган. Месси оиласи каталонияликлар раҳбариятига вазиятни баҳолашлари учун вақт беришган. Аммо, бир неча соатдан сўнг Лионель билан "Барса" вакиллари боғланишган ва маош чегарасини четлаб ўтишнинг иложи йўқлигини айтишган.

Форвард бошқа клублар билан расмий музокаралар ўтказмаган, сабаби у "Барса" билан шартномасини узайтиришга тайёр бўлган.