Месси ЛаЛигада 400-голини нишонлади
14 янв 2019 00:48
Новости

Месси ЛаЛигада 400-голини нишонлади

"Барселона" ҳужумчиси Лионель Месси ЛаЛига 19-турида "Эйбар" дарвозасига гол уришга эришди.

31 ёшли аргентиналик Испания чемпионатидаги 435-учрашувида 400-голини урди ва футбол тарихида ЛаЛигадаги голлари бўйича тўрт юзлик маррани забт этган биринчи футболчи бўлди.

"Ювентус" форварди Криштиану Роналду примерадаги голлари сони бўйича иккинчи ўринда бормоқда. Кришти "Реал" таркибида 292та учрашувда 311та дарвоза тўрини нишонга олган.

Кучли учликни "Атлетик" ҳужумчиси бўлган Тельмо Сарра якунлаб беради. Испаниялик собиқ форвард 1940-1955 йилларда клуб сафида 277та баҳсда 251 марта рақиб дарвозабонларини ранжитган.

Жорий мавсумда Месси 17та гол урди ва 10 марта голли пасни амалга оширди. Охирги 5та турда 8 маротаба ўз исмини таблога ёздириб қўйди.