"Мбаппе "Олтин тўп"ни забт этадиган майдонни йўқотди". Йерро Килианнинг "Реал"га ўтишни рад этгани ҳақида

"Реал" собиқ ҳимоячисининг қайд этишича, бу форварднинг "Реал"га ўтиш эмас, ПСЖда қолиш қарори сабаб рўй берди.

"Бу барчамиз учун дарс. Бутун дунёга ушбу трансфер барбод бўлиши мумкинмасдек туюлди. Унинг ўрнида бўлганимда, сўнгги кунга қадар кутмаган бўлардим. Агар қарорни у қабул қилганида, буни олдинроқ қилган бўларди.

У "Олтин тўп"ни қўлга киритадиган майдонни йўқотди. Аммо, сўнгги сўз ҳали айтилмаган ва бу ҳали якун эмасдек туюлмоқда", - дейди Йерро.