"Машъал": Бугун жиддий йўқотишлар бор
04 ноя 2015 11:30
Новости

"Машъал": Бугун жиддий йўқотишлар бор

Теги : Машъал

"Машъал" бугун Олий лиганинг 29-турини Тошкентда , "Локомотив"га қарши ўтказади.

Мазкур учрашувга жамоамиз жиддий йўқотишлар билан келган. Айни вақтда Тошкентда тайёргарлик олиб бораётган жамоамизга кеча айтиб ўтганимиздек Ботир Носиров, Аббос Омонов, Шоҳруҳ Достоновлар жароҳати боис ёрдам бера олмайди. Ундан ташқари Жамшид Хасановда ҳам кичик жароҳат бор ва ҳозирча ушбу футболчининг ҳам майдонга тушиши сўроқ остида турибди.

Аббос Шодмонов эса ўтган турда огоҳлантиришлари сони 4 тага етди ва бугунги баҳсни ўтказиб юборади. Ихтиёр Тошпўлатов ўтган турда майдондан четлаштирилган ва бугун майдонга туша олмайди. Ҳимоячимиз Шерзод Файзиeв оилавий сабабларга кўра "Пахтакор" билан учрашувдан сўнг машғулотларда иштирок эта олмади. Шу боис Файзиeв ҳам майдонга туша олмайди.

Эслатиб ўтамиз, "Локомотив" - "Машъал" баҳси бугун 14:00 да ТТЗдаги "Локомотив" стадионида бошланади.

Ссылка :

Источник : fcmashal.uz

Получайте новости прямо в Telegram!

Рейтинг: