"Манчестер Юнайтед" Кавани билан шартнома узайтирилганлигини маълум қилди

Манкунианликлар бош мураббийи Оле-Гуннар Сульшер ҳужумчи билан шартноманинг узайтирилганлиги ҳақида шундай деди: "Эдинсон жамоага қўшилганида футболчиларга у бизга қўшимча куч, етакчилик беришини айтгандим. Ўшанда хато қилмаганман. У қўлидан келганини ортиғи билан бажармоқда.

Мураббийлар штаби унинг голеадорлик ҳусусиятидан фойдаланишни яхши билиб турганди. Унда ғолиблик менталитети бор ва ўз ишига сидқидилдан ёндашади. Унинг МЮда қолишини ва мухлисларимиз қаршисида ўйнашини истайман. Умид қиламанки, унга бу насиб қилади", - деди Сульшер.

Уругвайлик форвард ушбу мавсумда АПЛнинг 23 ўйинида қатнашиб, 9 гол ва 2 ассист қайд этди.