"Манчестер Юнайтед" ҳақида гапирилганда телевизорни ўчириб қўяман" – Аморим ўзига қаратилган танқидлар ҳақида

"Ҳақоратларми? Буларни ўқимайман, шу йўл билан ўзимни ҳимоя қиламан. "Манчестер Юнайтед" ҳақида гапирилганда телевизорни ўчириб қўяман. Бу фикрларга қўшилмаганимдан эмас, балки бу менинг саломатлигимни сақлаш усулидир. Мураббий сифатида ҳис қилаётганларимнинг ўзи етарли. Албатта, шу тарзда ижтимоий тармоқлардаги ҳомийлардан келадиган пулни йўқотаман," - деди Аморим The Athletic нашрига берган интервьюсида

Аморим 2024 йил ноябридан бери "Манчестер Юнайтед"ни бошқармоқда. Ўтган мавсумда "қизил иблислар" португалиялик мураббий раҳбарлигида УЕФА Европа лигаси финалигача етиб борди ва унда "Тоттенхэм"га мағлуб бўлди (0:1). 2025/2026 йилги мавсумда жамоа Англия Премьер-лигасида 13 ўйинда 21 очко тўплаб, еттинчи ўринни эгаллаб турибди.