RU

Последние новости

10:40"Динамо" Суперлигада 13 йилдан сўнг "Машъал"дан устун келди  0 10:12ФИФА "Навбаҳор"га трансфер тақиқини қўйди  6 10:03Sofascore. «Ал Фейҳа» ғалаба қозонган баҳсда Шукуров қандай баҳо олди?  3 09:46Вадим Абрамов: "Бу аҳволда биринчи даврадан кейин бу майдон жуда оғир аҳволга тушади, Самарқандда бошқа талабга жавоб берадиган стадион йўқ"  2 09:30«Ливерпул»нинг EЧЛдан чиқиб кетиши Салоҳнинг «Олтин тўп» учун имкониятларини тушуриб юборди  4 08:55Sofascore. Ҳусанов ва унинг шериклари «Брайтон»га қарши учрашувда қандай баҳо олишди?   6 08:27Карло Анчелотти ультиматум қўйди  11 08:00Гвардиола кечаги дурангдан сўнг Ҳусанов ҳақида фикр билдирди  10 07:32Суперлига. Бугун 2-тур учрашувлари якунланади  6 02:18Саудия Арабистони чемпионати. "Ал Фейха" меҳмонда "Ал Иттифоқ"ни мағлуб этди, Шукуров танаффусда алмаштирилди  1 01:25"Тоттенхем" Тимо Вернерга қизиқиш билдирмаяпти. Футболчи МЛСга йўл олиши мумкин  0 00:54"Ливерпуль" Хулиан Альваресни қандай қўлга киритиш режасини ўйлаб топди  6 00:27Бундеслига. "Лейпциг" ўз уйида "Боруссия Дортмунд"ни мағлуб этди ва ЕЧЛ ҳудудига максимал яқинлашиб олди  0 00:23Ла Лига. Мбаппенинг дубли "Реал"га меҳмонда "Вильярреал"да қарши ўйиндаги ғалабани тақдим этди  25 00:05А Серия. "Милан" ўз уйида "Комо"га қарши иродали ғалабага эришди  3

Любинко Друлович: "Осиё чемпионатига тайёргарлик жараёнини давом эттиряпмиз" Новости

Любинко Друлович: "Осиё чемпионатига тайёргарлик жараёнини давом эттиряпмиз"

Ўзбекистон олимпия терма жамоасини олдинда январь ойида Таиланд яшил майдонларида ўтадиган Осиё чемпионати кутиб турибди.

Биласиз, мазкур мусобақада кучли учликдан ўрин оладиган юрт вакиллари Токио-2020 Олимпиадаси йўлланмасига эга чиқишади.

Айни пайтда Любинко Друлович бошқарувидаги жамоамиз қитъа биринчилигига тайёргарликни давом эттирмоқда. Терма жамоамиз пойтахтимизда ўқув-машғулот йиғини ташкил этади. 28 август санасидан эътиборан йиғинга киришилади ва режага кўра 10 сентябрга қадар Тошкентда машғулотлар олиб борилади.

Қайд этиш жоиз, мазкур йиғин доирасида 2 та ўртоқлик ўйини ўтказилиши ҳам кўзда тутилган. Ҳар икки учрашувда ҳам олимпиячиларимизга Эрон олимпия терма жамоаси рақиблик қилади.

Ушбу йиғин олдидан Ўзбекистон олимпия терма жамоаси бош мураббийи Любинко Друловичнинг олдиндаги режалар хусусидаги фикрлари билан қизиқдик.



- Ўзбекистон олимпия терма жамоаси Осиё чемпионатига режа асосида тайёргарлик жараёнини давом эттирмоқда. Ёзда Миср олимпия терма жамоаси Ўзбекистонга ташриф буюрди ва ушбу юрт вакиллари билан 2 та ўртоқлик ўйини ўтказдик. Ана энди яна бир маҳоратли футболчилардан иборат терма жамоа – Эронга қарши баҳс олиб борамиз. Имкон қадар яхши салоҳиятга эга рақибларга қарши баҳс олиб бориш орқали қайси чизиқларни яхшилаш, қандай жиҳатларга янада кўпроқ эътибор қаратиш лозим эканини билиб олиш имконига эга бўламиз.

Эронга қарши 2 та ўйин ўтказамиз. Дастлабки баҳс 6 сентябрь куни, иккинчи эса 9 сентябрь куни бўлиб ўтиши режалаштирилган. Бу галги йиғин доирасида ҳам терма жамоамизнинг асосини ташкил этиши кутилаётган футболчиларнинг имкониятларини яна бир бор кўздан кечириб олишимиз мумкин бўлади.

Қувонарли жиҳати шундаки, айни пайтда бир қатор футболчиларимиз ўз клублари сафида етакчилар сифатида гавдаланишмоқда ва Суперлигада барқарор ўйин амалиётига эга бўлишмоқда. Биз – мураббийлар штаби эса имкон қадар ҳар бир кўз остимизга олган ўйинчининг ўз клуби таркибидаги ўйинларини ҳам бевосита стадиондан туриб кузатишга ҳаракат қиляпмиз. Айрим футболчиларимиз миллий терма жамоа сафига жалб этилаётгани ҳам қувонарли ҳол.

Режага кўра, январь ойига қадар ҳар ой йиғин ташкил этган ҳолда қитъа чемпионатига ҳозирлик олиб боришга уринамиз. Октябрь ойида Жанубий Корея олимпия терма жамоаси билан ҳам ўртоқлик ўйини ўтказиш кўзда тутилган.

Ўзбекистонда миллий чемпионат учрашувлари якунига етгач, футболчиларимизга бироз дам олиш имконини тақдим этамиз. Сўнгра Осиё чемпионати олдидан ҳал қилувчи йиғинни ўтказамиз.

Қитъа биринчилигига имкон қадар пухта ҳозирлик олиб боришга ва чемпионат давомида ишқибозларимизни чиройли ғалабалар билан хушнуд этишга ҳаракат қиламиз, - дея ўз фикрлари билан ўртоқлашди мутахассис.


Рейтинг: +10   

Комментарии

championat.asia
< посмотреть последние новости
Яндекс.Метрика