"Локомотив" эртага Геворкян ва Степановични таништиради
01 авг 2016 13:41
Новости

"Локомотив" эртага Геворкян ва Степановични таништиради

Ўз олдига юқори мақсадларни қўяётган "Локомотив" футбол клуби эртага, 2 август куни давралар оралиғида жамоа таркибига келиб қўшилган янги футболчиларни таништиради.

Клуб ўз иштирокини муваффақиятли давом эттираётган ҳар учала мусобақа - Осиё чемпиолар лигаси, Ўзбекистон Кубоги ҳамда Олий лига баҳсларида ғалаба қозониш вазифасини қўйган. Бунинг учун жамоа таркиби икки нафар янги футболчи эвазига кучайтирилди.

Булар - "Шўртан", "Пахтакор", "Насаф"даги ўйинлари орқали барчамизга яхши таниш бўлган Артур Геворкян ва черногориялик ярим ҳимоячи Славен Степанович.

Ҳар иккала футболчи ҳам "Локомотив" ПФК билан шартнома имзолади. Эртага "Локомотив" стадиони матбуот анжуманлари залида ушбу футболчиларни таништириш маросими ўтказилади. Тадбир 11:00да бошланади. Биз барча турдаги ОАВ ходимларини ушбу таништирув маросимига таклиф этиб қоламиз.

"Локомотив" ПФК матбуот хизмати.