Леонид Сенкевич: "Биргина хато туфайли гол ўтказиб юбордик"

Бугун жамоамиз футболчилари кўрсатган ўйин менга маъқул бўлди. Ўган йилги ҳаракатларимиз натижасида жамоамизда ўсиш бор, ўйинларимиз сифатли чиқмоқда. Бугунги ўйиндаги атмосфера, учрашувни томоша қилиш учун кўплаб футбол мухлисларини ташриф буюрганликлари менга ёқди, Про-Лига учрашувларига шу каби кўплаб мухлислар келиши бизни хурсанд қилмасдан қолмайди.

Футбол шундай ўйинки, хатолар кечирилмайди, сен урмасанг, сенга уришади. Битта хато туфайли гол ўтказиб юбордик. Ўйлашимча бутун учрашув давомида шу биргина хато қилдик ва бу хато бизни очколардан маҳрум қилди.

Бугунги учрашув байрамона руҳда ўтди, учрашувдан олдинги очилиш маросими, санъаткорларнинг чиқишлари жуда юқори савияда ташкил этилди. “Турон” жамоаси учрашувга яхши тайёргарлик кўрибди, уларга кейинги учрашувларда омад тилайман.

Жамоамиз аъзоларига бугунгги ўйин учун миннатдорчилик билдираман, ҳаммага раҳмат", – дейди Леонид Сенкевич.


Бекзод Толибов ёзиб олди.