“Лахвия” – “Бунёдкор”. Ўйинолди расмий тадбирлар

Даставвал, маҳаллий вақт билан соат 16:00да (Тошкентда 18:00 бўлади) ҳар иккала жамоа вакиллари ва учрашув расмийлари иштирокида менежерлар йиғилиши ўтказилади. Шундан сўнг соат 17:00да ўйинолди матбуот анжумани ташкил этилади. Унинг биринчи қисмида “қалдирғочлар” ОАВ вакиллари саволларига жавоб қайтаришса, иккинчи қисмида журналистлар билан мулоқотга “Лахвия” аъзолари киришишади.

Соат 18:30да “Бунёдкор” футболчилари “Абдуллоҳ бин Ҳалифа” стадионида расмий машғулотини бошлайдилар. Микаэль Лаудруп бошчилигидаги “Лахвия” футболчилари расмий машғулотини бошқа стадионда олиб борадилар.

Эслатиб ўтамиз, Осиё Чемпионлар лигаси 4-тури доирасидаги “Лахвия” – “Бунёдкор” учрашуви 8 апрель куни Доҳадаги “Абдуллоҳ бин Ҳалифа” стадионида соат 18:30да (Тошкентда 20:30 бўлади) бошланади.