Кристиан Гросс: "Бунёдкор"нинг йўқотадиган нарсани бўлмагани учун шундай ўйнади"

"Биз ўйинни нотўғри бошладик. Рақибга босим уюштира олмадик. "Бунёдкор" учрашувни ҳужумкор тарзда бошлади шу боис ўйинни қўлга ололмадик. Бизда имкониятлар жуда кам бўлди. Биз агрессив ўйин кўрсата олмадик", - дейди Гросс. 

- "Бунёдкор" сўнгги ўринда бўлгани учун рақибга нисбатан менсимай тушилдими?
- Бундай бўлмади. Баъзи футболчиларимиз хатоликка йўл қўйгани учун ўйинимиз ўхшамади. Ўйинчиларимиз ўз даражасидан паст даражада ўйнашди.

- "Ал Аҳли" раҳбарияти "Бунёдкор"дан 3 нафар футболчи сотиб олиш имкониятини берса қайси футболчиларни сотиб олган бўлардингиз?
- Барча ўйинчилар маҳоратли. Аммо уч нафар футболчини танлай олмайман.

- "Бунёдкор"ни ўрганиб чиққансиз. Бугун рақиб нима учун бундай яхши ўйнади деб ўйлайсиз?
- "Бунёдкор" босимсиз ўйнади. Йўқотадиган нарсаси бўлмагани учун шундай эркин ўйнади деб ўйлайман.

- Ўз жарима майдонини бўш қолдириб мураббий хатога йўл қўймадими?
- Бугун кутилмаган голлар ўтказдик. Барчаси шундан келиб чиқди.

- Сиз бошчилигингизда "Ал Аҳли" ўтган йилларда "Насаф" меҳмони бўлиб дуранг ва мағлубият қайд этган. Бугун ҳам мағлуб бўлдингиз? Ўзбекистон сиз учун омадсиз давлатми? 
- Йўқ. Ҳар бир мураббийнинг мақсади бўлади. Бу нарсани омадсизлик деб бўлмайди. Шунчаки футбол шундай баъзида ютасан баъзида ютқазасан.

- "Зоб Оҳан" билан баҳсда қандай натижа кутаяпсиз?
- Иккала жамоада ҳам имконият бор. Шу боис баҳс қандай бўлишини ўйин куни биламиз. 


Нарзулла Сайдуллаев