Клублар ўртасидаги ЖЧ-2019га қуръа ташлаш маросими ўтказилди
16 сен 2019 22:35
Новости
Клублар ўртасидаги ЖЧ-2019га қуръа ташлаш маросими ўтказилди
Илк босқич баҳси мезбон «Ал-Садд» ҳамда Океания чемпиони «Иенген» (Янги Каледония) ўртасида бўлиб ўтади. Мазкур жуфтлик ғолиби кейинги раундда КОНКАКАФ чемпиони «Монтеррей» (Мексика) жамоасига қарши тўқнаш келади.
Ушбу босқичнинг иккинчи ўйини эса Осиё чемпионлар лигаси ғолиби ҳамда Африка чемпиони «Эсперенс» (Тунис) ўртасида ўтказилади. Ушбу жуфтлик ғолиби ярим финалда КОНМEБОЛ чемпиони билан учрашади. ЕЧЛнинг амалдаги титул соҳиби «Ливерпуль» эса финал остонасида «Монтеррей», «Иенген» ёки «Ал-Садд» клубларидан бирига дуч келади.
Эслатиб ўтамиз, ҳисоб бўйича 16 маротаба ташкил этилаётган клублар ўртасидаги мундиал 11 дан 21 декабрга қадар бўлиб ўтиши режалаштирилган.
P.S. «Ал-Садд» ОЧЛнинг ярим финалига йўл олганини ҳисобга олиб, агар Хави шогирдлари мусобақа ғолибига айланадиган бўлишса, у ҳолда қатарликлар клублар ўртасидаги ЖЧни 2-раунддан бошлайди ва «Ливерпуль» билан финалгача тўқнаш келмайди. Ўз навбатида, «Ал-Садд»нинг ўрнини ОЧЛ финалчиси эгаллайди.

Похожие новости
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Криштиану Роналду фаолиятида илк бор Португалия термаси сафида қизил карточка олди
Комментарии