Жо Коул: “Азар Роналдудек бўлганида барча совринларни ютарди. Аммо муз тўлдирилган ванна у учун эмас”

“Азар жаҳоннинг энг яхши футболчиси бўлиши керак эди. “Олтин тўп” Лука Модричга насиб этган даврда Азар уни қўлга киритса бўларди. Бироқ, у менга шу етади ва бундан бахтиёрман деб яшайди.

Эден қойилмақом тасвирчи. Мен ўйнаган футболчилар ичида энг яхшиси. Унда Месси ва Ронадуники каби фикрлаш йўқ ва бу нормал ҳолат.

У “Лилль” ва “Челси”да ўтган йиллари давомида мухлисларга хурсандчилик тақдим этди ва кўплаб титулларни қўлга киритди, бундан фахрланса арзийди. Буларнинг барчасига юзида табассум, футболдан завқ олган ҳолда эришди.

“Реал”даги фаолияти кўнгилдагидек ўтмаётганини тушунаман, аммо бу ерда афсусланадиган ҳеч нарса йўқ. У Роналду каби яшаши мумкин эди: тунги бирда музли ванналар қабул қилиш ва шу турдаги нарсалар. Бу Азарга тўғри келмайди.

Агар шундай фаолият олиб борганида, у барча индивидуал совринларни ўзиники қиларди. Аммо Эденнинг ўз йўли бор. У оиласига ғамхўр инсон. Спортдаги шон-шуҳрат ва майдон ташқарисидаги ҳаёт ўртасида баланс бўлиши лозим”, дейди Коул.