Жисмоний тайёргарлик бўйича синовлар топширишни "Олмалиқ" бошлаб берди

Мазкур тест-синовлари тизими Ўзбекистон Футбол Федерациясининг Техник ривожлантириш бошқармаси илмий-методик гуруҳи мутахассислари томонидан ишлаб чиқилган бўлиб, тасдиқланган режа асосида мавсум давомида уч маротаба ўтказилиши режалаштирилган.

Шуни ҳам таъкидлаш керакки, клуб футболчиларини бу каби тест-синовларидан ўтказиш ўзбек футболида илк марта амалга оширилмоқда. Бу чора-тадбирлар футболчилар жисмоний ҳолатини яхшилашга, шу орқали терма жамоаларга кучли футболчиларни тайёрлашга хизмат қилади.

Суперлига клублари футболчиларидан қуйидаги тест-синовлари олинмоқда:

1. 30 метрга югуриш
2. Турган жойидан узунликка сакраш
3. 7х50 метрга югуриш
4. "Yo-Yo" тест (Yo-yo тест ҳар 20 метрда жойлашган фишкалар оралиғида сигнал бўйича югуриш машқлари)

Кечада "Олмалиқ" жамоаси футболчилари жисмоний тайёргарлик бўйича синовлар топширди. Қолган жамоалар қуйидаги жадвал бўйича тест-синовлардан ўтишади:
"Машъал" - 20.12.2017
"Қўқон-1912" - 21.12.2017
"Навбаҳор" - 22.12.2017
"Цементчи" - 23.12.2017
"Металлург" - 25.12.2017
"Бухоро" - 25.12.2017
"Пахтакор" - 26.12.2017
"Бунёдкор" - 26.12.2017
"Қизилқум" - 27.12.2017
"Насаф" - 28.12.2017
"Локомотив" - 29.12.2017