ЖЧ-2018. Испания терма жамоасига янги бош мураббий тайинланди
13 июн 2018 17:15
Новости

ЖЧ-2018. Испания терма жамоасига янги бош мураббий тайинланди

Бироз аввал Хулен Лопетеги Испания терма жамоаси бош мураббийлигидан истеъфога чиқарилган эди.

Лопетеги янги мавсумдан "Реал"га мураббийлик қилади.

Ўз навбатида, "Реал" ва Испания терма жамоасининг собиқ футболчиси, шу кунга қадар Испания Қироллик футбол федерацияси спорт директори бўлиб ишлаб келаётган Фернандо Йерро ЖЧ-2018 вақтида миллий терма жамоани бошқарадиган бўлди. Бу ҳақда федерация матбуот хизмати хабар берди.

Собиқ мураббий 51 ёшли Лопетеги терма жамоа билан 2020 йилгача шартномаси бўлишига қарамасдан ЖЧ-2018 ниҳоясига етганидан сўнг "Реал"ни бошқаришга розилик берди. Шу сабаб Испания футбол федерацияси раҳбари Луис Рубиалес бугун Хуленнинг истеъфоси ҳақида эълон қилган эди.

Мундиал бошланишига 1 кун қолганда бош мураббийни алмаштирган Испания Жаҳон чемпионатининг "B" гуруҳида Португалия, Эрон ва Марокаш билан кураш олиб боради.

Ссылка :

Источник : sefutbol.com

Получайте новости прямо в Telegram!

Рейтинг: +29