ЖЧ-2010нинг энг яхши ўйинчиси Диего Форлан Фергюсонни ғазаблантиргани ва МЮдан кетишига сабаб бўлган омил ҳақида гапирди
28 мар 11:26
Новости

ЖЧ-2010нинг энг яхши ўйинчиси Диего Форлан Фергюсонни ғазаблантиргани ва МЮдан кетишига сабаб бўлган омил ҳақида гапирди

"Манчестер Юнайтед" ва Уругвай терма жамоасининг собиқ ҳужумчиси, ЖЧ-2010 нинг энг яхши ўйинчиси Диего Форлан бир пайтлар МЮдан кетишига сабаб бўлган сўнгги омил нима бўлгани ҳақида гапириб ўтди.

"Сэр Алекс Фергюсон "Челси" билан ўйинимизда майдон намлиги сабаб ёмғирга мўлжалланган бутсаларни кийишни маслаҳат берди. Лекин мен бошқа бутса кийишга қарор қилдим ва унга: "Мендан нима хоҳласангиз, ҳаммасини қиламан", - дедим.
Ўйин давомида мен бир нечта қулай вазиятларни қўлдан чиқардим ва бутсаларим туфайли сирпаниб кетдим. Шундан кейин оёқ кийимларимни тезда алмаштириб олиш учун майдон четига бордим, лекин сэр Алекс барча бутсаларни олиб қўйди ва менга майдонга қайтишимни айтди. Бу менинг "Манчестер Юнайтед" сафидаги сўнгги ўйиним бўлди...
Фергюсоннинг "Юнайтед"да узоқ вақт муваффақият қозонишининг сабабларидан бири унинг майда деталларга ҳам эътибор қаратиши эди", - дея сўзлаб берди Форлан.

Эслатиб ўтамиз, Диего Форланнинг МЮ сафидаги сўнгги ўйини 2004 йилнинг 15 август санасида "Челси"га қарши "Стэмфорд Бридж" стадионида бўлиб ўтган. Ўшанда Жозе Моуринью бошчилигидаги "аристократлар" Эйдур Гудйонсеннинг ягона голи эвазига ғалаба қозонишган. Форлан эса "қизил иблислар" сафида 73-дақиқада Эрик Жемба-Жембанинг ўрнига майдонга тушган.