Жавлон Гусейнов: “Бизга битта ғалаба керак. Кейин ҳаммаси яхши бўлади”

“Андижон” сафарда “Зомин” билан куч синашади. Бўлажак учрашув олдидан ҳимоячи Жавлон Гусейнов ўз фикрларини билдириб ўтди.

– Мамлакат Кубогидаги юришимизни биринчи лига жамоасига қарши учрашув билан бошлаймиз. “Зомин”га қарши жиддий тайёргарлик кўрдик. Футболда ҳар бир рақибга ҳурмат билан қараш керак бўлади. Акс холда бу якунда қимматга тушиши ҳеч гап эмас. Шу боис зоминликлар билан ўйинга жиддий қарамоқдамиз. Аслида биринчи лига клубларига қарши ўйнаш осон эмас. Улар ниманидир исботлаш учун борини бериб харакат қилади. Бу нарса шахсан ўзимнинг ҳам бошимдан ўткан.

– Албатта чемпионатдаги икки ўйинида рақибга имкониятни бой берганимиздан сўнг йигитларда руҳий пасайиш бўлади. Лекин бундай пайтда мураббий футболчиларни ҳар томонлама қўллаб-қувватламоқда ва руҳий ўрадан олиб чиқиб кетиш учун астойдил ишламоқда.

– Бугун Жиззахда бўладиган учрашувнинг аҳамияти биз учун юқори. Чунки бўлажак ўйинлар олдидан руҳан кўтарилиш бўлиши керак. Бизга битта ғалаба керак. Кейин ҳаммаси яхши бўлишига ишонаман.