Жасурбек Ҳамроқулов: "Ўз майдонингда мағлуб бўлиш аламли"
01 окт 2018 23:09
Новости

Жасурбек Ҳамроқулов: "Ўз майдонингда мағлуб бўлиш аламли"

Про-лига 27-туридан ўрин олган “Ифтихор” - “Шердор” (0:5) учрашувидан сўнг мезбонлар мураббийи Жасурбек Ҳамроқулов “championat.asia” сайтига интервью берди.

Албатта ўз майдонингда мағлуб бўлиш аламли. Бу учрашувга яхши тайёргарлик кўрган эдик, бугун нимагадир ўйинимиз чиқмади, айрим футболчиларимиз умуман ўзларига ўхшамади. Нима ҳам дердик, бугун мағлуб бўлдик, тезроқ бу ўйинни унутиб, кейинги учрашувларга ҳозирлик кўришимиз керак. Олдинда бизни янада қийин учрашувлар кутиб турибди.

Ҳали ҳаммаси ўз изига тушади, мухлислар яна ўша аввалги “Ифтихор”ни кўришади. Биз бундан буён янада жиддийроқ тайёргарликлар олиб борамиз, насиб этса Про-Лигада совринли ўринларни эгаллаб, жамоамиз мухлисларини хурсанд қиламиз деган умиддаман.

Бекзод Толибов ёзиб олди.