Италия нашри Шомуродовни "ўзбек Мессиси" деб атади
20 авг 2021 19:02
Новости

Италия нашри Шомуродовни "ўзбек Мессиси" деб атади

Италиянинг машҳур Gazzetta dello Sport нашри Элдор Шомуродовга бағишланган мақола тайёрлади.

Италияликлар ёзги трансфер ойнасида "Женоа"дан "Рома"га кўчиб ўтган ҳужумчи Элдор Шомуродовнинг иқтидорига юқори баҳо беришмоқда. "Бўрилар"нинг илк учрашувларида ўзбекистонлик форвард ўзининг тўпурарлик салоҳиятини намойиш қила олди.

Gazzetta dello Sport нашрининг журналистлари 26 ёшли футболчига бағишланган материал эълон қилишди. Мақола "Шомуродов — ўзбек Мессиси" сарлавҳаси остида чоп этилди.

Элдор римликлар таркибида битта расмий ва иккита ўртоқлик учрашувида майдонга тушди. Ҳужумчи ушбу учрашувларда жами учта гол урди.

Эслатиб ўтамиз, унинг "Рома" билан шартномаси 2026 йилнинг июнь ойигача амал қилади.

Ссылка :

Источник : Gazzetta dello Sport

Получайте новости прямо в Telegram!

Рейтинг: +123