Испания солиқ идораси Роналду юристларининг 3,8 млн евролик даъвосини рад этди
20 мар 2018 00:17
Новости

Испания солиқ идораси Роналду юристларининг 3,8 млн евролик даъвосини рад этди

“Реал” клуби ҳужумчиси Криштиану Роналдунинг ҳуқуқшунослари ҳалигача Испания солиқ идораси билан португалиялик футболчининг иши юзасидан келиша олишмаяпти.

AS нашрининг хабар беришича, Роналдунинг расмий вакиллари жарима сифатида 3,8 млн евро тўлаб беришларини, бунинг учун эса суд ҳаракатлари тўхтатилишини сўраб мурожаат қилишди.

Лекин солиқчилар бу таклифни рад этишди. Роналду 2011-2014 йиллар оралиғида даромад солиғини тўламаганликда айбланмоқда. Давлат ғазнасига тўланадиган сумма 14,8 млн евро атрофида бўлиши айтиляпти.