Ислом Тўхтахўжаев ва Сардор Мирзаев ОКМКга ўтди
10 июл 2023 22:05
Новости

Ислом Тўхтахўжаев ва Сардор Мирзаев ОКМКга ўтди

Суперлига клубларимиз ёзги трансфер ойнасида таркибни кучайтириш ишларини давом эттиришмоқда.

Миржалол Қосимов бошчилигидаги ОКМК клуби таркибни 2 нафар тажрибали футболчи билан тўлдирди.

"Championat.asia" олган маълумотга кўра марказий ҳимоячи Ислом Тўхтахўжаев ҳамда ҳужумкор ярим ҳимоячи Сардор Мирзаев ОКМК жамоасига ўтишди. Ҳар икки ўйинчи бироз аввал олмалиқликлар билан шартнома имзолашган.

Ҳар иккала футболчига Суперлиганинг бошқа жамоаларидан ҳам таклифлар бўлаётган эди. Жумладан, чемпионлик учун кураш олиб бораётган "Навбаҳор" ҳам уларга жиддий қизиқиш билдирган эди.

Эслатиб ўтамиз, Ислом Тўхтахўжаев бунгача Қатарнинг "Ал Гарафа" клубида, Сардор Мирзаев эса Таиланднинг "Муангтонг Юнайтед" жамоасида тўп тепиб келаётган эди.

Ссылка :

Источник : championat.asia

Получайте новости прямо в Telegram!

Рейтинг: -2