Иордания миллий терма жамоаси ўз машғулотларини бошлади

Илк машғулотларда терма жамоага чақирилган 28 нафар футболчидар 22 нафари иштирок этган.

Иордания терма жамоасининг мисрлик бош мураббийи Ҳуссам Ҳассаннинг таъкидлашича, илк машғулотларда футболчиларнинг жисмоний ҳолати ва тактик жиҳатларга кўпроқ урғу берилади. «Олдимизда жуда муҳим босқич турибди. Биз буни ҳис қилган ҳолда катта тайёргарлик кўришимиз ва Иордания футболи айни дамда кучли кўтарилишга эришганини исботлашимиз лозим. Терма жамоа футболчилари ҳам буни ҳис қилиб турибдилар», - дейди Ҳуссам Ҳассан.

«Терма жамоа футболчилари билан ҳафтада икки кун машғулот олиб борамиз. Бу билан футболчиларнинг жисмоний ҳолатини бир маромда ушлаб туришни мақсад қилганмиз», дея қўшимча қилди иорданияликлар бош мураббийи. «Биз, саралашнинг 4-босқичида иштирок этган футболчиларнинг ўзагини сақлаб қолган ҳолда, терма жамоага яна бир қатор янги футболчиларни таклиф этдик. Терма жамоа ҳафтанинг якшанба ва душанба кунлари машғулот ўтказади. Якшанба кунги машғулотлар ОАВ ҳодимлари учун очиқ бўлади. Душанба кунлари эса машғулотлар ёпиқ эшиклар ортида бўлади. Биз ОАВ ҳодимлари ва терма жамоага бефарқ бўлмаган барчани ҳурмат қиламиз ва улар билан ҳамкорлик қилишга тайёрмиз. Аммо, муҳим ўйинлар олдидан футболчиларни ортиқча чалғтимаслликка ҳаракат қиламиз», дея бош мураббийининг сўзларидан парча келтирмоқда, Иордания Футбол Уюшмаси расмий сайти.

Эслатиб ўтамиз, Иордания миллий терма жамоаси ЖЧ-2014 саралаш плей-офф учрашувида Ўзбекистон миллий терма жамоасига қарши тўп суради. Дастлабки ўйин 6 сентябрь куни Иордания пойтахти Аммани шаҳрида ўтказилса, жавоб ўйини 10 сентябрь кунт Тошкентда ўтказилади.