"Интер" дарвоза чизиғига "Ювентус" тарбияланувчисини олди
12 авг 2023 11:59
Новости

"Интер" дарвоза чизиғига "Ювентус" тарбияланувчисини олди

"Нерадзурри" дарвозабонлар сонини оширди.

"Интер" дарвозабони Эмиль Аудерони "Сампдория"дан бир йилга ижарага олди, деб хабар берди Милан клуби расмий сайти.

"Нерадзурри"да 26 ёшли дарвозабонни сотиб олиш имконияти ҳам бор.

Эмиль Аудеро "Ювентус" тарбияланувчиси, аммо у туринликлар сафида атиги 1 та ўйин ўтказган. "Сампдория" учун эса А Серияда 163 та ўйинда майдонга тушган.

Эслатиб ўтамиз, Андре Онана ва Самир Ханданович кетганидан сўнг "Интер"да дарвоза чизиғини бутунлай ўзгартириш зарурати пайдо бўлганди. Аввалроқ "нерадзурри" асосий дарвозабон роли учун Ян Зоммерни сотиб олган эди.

Ссылка :

Источник : inter.it

Получайте новости прямо в Telegram!

Рейтинг: +2