Иномов билан Ҳасанов ҳам Вьетнамга бормайдиган бўлди

Аммо бир қатор номзод футболчилар жароҳат туфайли таркибдан четда қолмоқда. Бу йил Қозоғистон чемпиони бўлган Темур Капедзени кеча Вьетнамга бора олмаслиги ҳақида хабар бергандик.

Бугун ЎФФ расмий твиттерининг хабар беришича яна бир нечта ўйинчиларимиз сафдан чиқишган. Булар "Локомотив" (Тошкент) ҳимоячиси Ислом Иномов ҳамда Бунёдкор билан мамлакат чемпионлигини қўлга киритган Жасур Ҳасановдир.

"Бунёдкор"даги Жасур Ҳасанов белидан, "Актобе" аъзоси Темур Кападзе сонидан жароҳат олган. "Локомотив"даги Ислом Иномов шамоллаб қолган  дея изоҳ бериб ўтади ЎФФ расмий твиттери.

Йўқотишлар ўрнини тўлдириш мақсадида Миржалол Қосимов "Бунёдкор"дан ярим ҳимоячи Дилшод Жўраевни таркибга жалб этган.