Ҳусниддин Нишонов: "Биз Эрон термасини анчадан бери кутяпмиз"
24 сен 2021 00:05
Новости

Ҳусниддин Нишонов: "Биз Эрон термасини анчадан бери кутяпмиз"

Футзал терма жамоамиз Эронга қарши ўйинга тайёргарлик кўрмоқда.

Жахон чемпионати 1/8 финали доирасидаги Ўзбекистон - Эрон ўйинидан олдин, термамиз футзалчиси Ҳусниддин Нишонов ўз фикрлари билан ўртоқлашди.

Эртанги ўйинга тайёргарлигимиз жуда яхши, кайфият аъло даражада. Биз Эрон термасини анчадан бери кутяпмиз. Сабаби, ўзимиз тарихни янгилаш ниятидамиз. Маҳаллий чемпионатимизга эътиборни кучайтиришимиз лозим. АГМК, "Пахтакор" ва яқинда булар орасига қўшилган "Хуахин Жиззах" каби кучли жамоалар кўпайиши керак деб ўйлайман. Ҳар йили учта эмас, кўпроқ жамоа чемпионлик учун курашса, бу терма жамоанинг янада кучлироқ бўлишига замин яратади, миллий жамоага ёш ўйинчилар етказиб бериш ҳам кўпаяди", -дейди Ҳусниддин Нишонов.

Эслатиб ўтамиз, Ўзбекистон - Эрон термалари ўртасидаги ўйин 24 сентябрь куни 19:30да старт олади.

Ссылка :

Источник : ufa.uz

Получайте новости прямо в Telegram!

Рейтинг: +10