Сервер Жепаров: "Олимпик" лойиҳасига қўйилган вазифани уддалаш учун бир қадам қолди"
28 апр 2024 22:02
Новости

Сервер Жепаров: "Олимпик" лойиҳасига қўйилган вазифани уддалаш учун бир қадам қолди"

Ўзбекистон Кубогининг гуруҳ босқичидан ўрин олган "Олимпик" – "Чиғатой" (8:1) учрашувидан сўнг мезбонлар мураббийи Сервер Жепаров ўз фикрларини билдириб ўтди.

- Ўйин ҳақида

- Жамоамиз аъзоларини ғалаба билан табриклайман. Навбатдаги босқич вазифаси 1-ўрин билан ҳал этилди. Бу албатта ёқимли. Ушбу натижага эришишимизда ҳиссасини қўшган клубнинг ҳар бир аъзосига миннатдорчилик билдираман.

Ўйиндан олдин йигитларга айтгандим, бугун яхши ва чиройли футбол кўрсатишимиз керак деб. Вазиятлардан унумли фойдаланиш ва қўлимиздан келганича голлар уриш лозимлиги ҳақида айтдим. Бугун рақиб дарвозасига 8 та тўп киритдик ва жамоамиз кейинги босқичга биринчи ўрин билан чиқди.

- Эртага U-23 терма жамоамиз Осиё Кубоги ярим финал учрашувида майдонга чиқади. Бу ўйин ҳақида фикрларингиз...

- Омад, ғалаба ва муваффақиятли ўйин тилаймиз. "Олимпик" лойиҳаси ташкил этилганидан то вазифа бажарилгунича бир қадам қолди. Эртага мана шу вазифани уддалаб, бу лойиҳада меҳнат қилган барчанинг юзи ёруғ бўлишини тилаб қоламан. Бутун Ўзбекистон аҳли биргаликда мухлислик қиламиз.

Ссылка :

Источник : Championat.asia

Получайте новости прямо в Telegram!

Рейтинг: +12