RU

Последние новости

14:40Аёллар Осиё Кубогига қуръа ташланмоқда: Ўзбекистон кимлар билан тушади?  0 14:37БУМ! Ўзбекистон МТЖ ноябрь ойида Тошкентда жаҳон чемпионига қарши ўйнайди  9 14:26Ўзбекистон U-23 терма жамоаси хотира турнирида Японияга имкониятни бой берган ўйиндан ГАЛЕРЕЯ  0 14:13"Арсенал" Салиба билан шартномани узайтириш жараёнини тезлаштирди  1 13:40Мақсад U-23 Осиё кубогини ютишми ёки Олимпиадага чиқиш?   3 13:20Кичик Пеледан Марадона Жуниоргача: яшил майдонда омади чопмаган фарзандлар  2 12:55Ҳиндистон терма жамоаси CAFA мусобақасида Малайзия ўрнини эгаллайди  3 12:37Футбол фахрийси Гурам Дараселия вафот этди  3 12:32"Металлург" – сокинлик бағридаги юбилей  9 12:03Расман: "Бунёдкор" легионер ҳужумчи трансферини эълон қилди  2 11:45Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"  1 11:22"Бу рассомни Ван Гог билан солиштиришга ўхшайди". Гвардиола Месси ва Ямаль ҳақида  4 10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  7 09:55Жоау Феликснинг "Ал Насср"даги маоши маълум  1

"Ҳар бир ўйинда Япония, Кореяга қарши чиққандек чиқсак, бу босқичдан яхши ўтамиз" — Жалолиддин Машарипов Новости

"Ҳар бир ўйинда Япония, Кореяга қарши чиққандек чиқсак, бу босқичдан яхши ўтамиз" — Жалолиддин Машарипов

Ўзбекистон терма жамоаси ҳамда Саудия Арабистонининг "Ал Насср" клуби футболчиси Жалолиддин Машарипов мамлакатимизга етиб келди.

Бугундан бошлаб у терма жамоа ихтиёрида машғулотлар ўтказишни бошлаб юборди. Фурсатдан фойдаланиб Championat.asia мухбирлари Ўзбекистон МТЖнинг машғулот ўтказаётган қароргоҳига борди ва футболчидан интервью олди.  


— Жалолиддин бугун терма жамоанинг ихтиёрига етиб келдингиз. Саудия Арабистонида мавсум деярли тугади, яъни 2 та тур қолди. Клуб ҳозир 3-ўринда, жамоа ўз олдига қўйган мақсадига эришди деб ўйлайсизми? 

— "Ал Наср"да доимо мақсад улуғ бўлган. Доим чемпионлик, Президент кубокларини ютишни хоҳлаганмиз. Бу йил бу нарсани уддалай олмадик, деб ўйлайман. Ҳозир 3-ўриндамиз, барибир бизнинг ниятимиз келаси йили Осиё Чемпионлар лигасида ўйнаш. Вазифани 90 фоиз уддаладик деб ўйлайман. Яна иккита ўйин қолди. У ерда ҳар бир ўйин жуда кучли ўтади, осон рақиб йўқ. Буни Саудия чемпионатини кузатадиганлар ҳам билади. Шу икки ўйинда 6 очкони қўлга киритиб, келаси йили ОЧЛда ўйнашни жамоамиз олдига вазифа қилиб қўйган. 

— Мавсум орасида маълум муддат майдонга тушмадингиз. Кўпчилик мураббий билан ўрталарингизда низо чиқди деб ўйлади...

— Бу йил "Ал Наср"да кўп мураббийлар алмашди. Ҳар бир легионер футболчида бу каби ҳолатлар бўлиб туради. Мураббий янги келганида мени яхши танимасди. Шунинг учун ҳам 1-2 та ўйинда захирада қолиб кетдим. Ҳозир ҳаммаси яхши. Сўнгги ўйинларда менга нисбатан ишончи анча юқори. Жуда яхши муомаладимиз. 

— Терма жамоа ҳақида, рақибларимиз анча аутсайдер жамоалар. Терма жамоа футболчиларида ўйиндан аввал "ютиб қўйиш" аломатлари йўқми?

— ЎФА раҳбарлари келди ва шу борада гаплашдик. Тўғри, Малдив, Шри-Ланка каби терма жамоалар, лекин ҳозир ҳамма футбол ўйнашни ўрганиб олган. Агар биз ютсак "ўзи Шри-Ланка эди", дейишади. Агар ютқазиб қўйсак душмандан баттар бўлади. Ҳозир бизнинг таркибда жуда ҳам талантли футболчилар йиғилган. Ҳар бир ўйинда Япония, Кореяга қарши чиққандек чиқсак, бу босқичдан яхши ўтамиз. Бу гуруҳда вазиятни оғирлаштирмаслигимиз керак. Мухлисларни ҳам, журналистларни ҳам хавотирга қўймаслик керак. Мухлисларимизни чиройли ўйинлар, голлар билан хурсанд қилиб, бу босқични байрамдек ўтказиб бермоқчимиз.

Рейтинг: +14   

Комментарии

championat.asia
< посмотреть последние новости
Яндекс.Метрика