Ҳамид Актамов: "Пахтакор"ни ғалаба билан табриклайман"

"Ўйин қизиқарли ўтди деб айта оламан. Ғалаба билан "Пахтакор"ни табриклайман", - деб гап бошлади Ҳамид Актамов.

- Майдон ҳолати борасида нима дея оласиз?
- Тўғриси бундай майдонда ўйнаш ўзимизга ҳам қийин бўлмоқда. Қишда об-ҳаво ноқулай бўлгани учун чимнинг ҳолати шундай бўлди. Бу борада иш олиб бораяпмиз.

- Клубнинг ҳозирги ҳолати қандай? Молиявий муаммо йўқми?
- Йўқ, айни пайтда клубда ҳеч қандай муаммо йўқ.

- Жамоага тажрибали хорижлик мураббий чақириш нияти йўқми?
- Ўз вақтида қийин аҳволда қолганимизда ўзбекистонлик тажрибали мураббийларга таклиф билан чиққандик. Улар рад қилишганди. Таклиф қилсак ҳам фақат чет элдан тажрибали мураббий чақирамиз. Аммо бу борада ҳали ўйлаб кўрганимиз йўқ.