Гол ўтказмай келаётган "Олмалиқ" ёхуд "Пахтакор" сафарда дастлабки ғалабасига эриша оладими?

Бу ўйиннинг қизиқ томони шундаки, "Олмалиқ" шу пайтгача ўз майдонида 5та учрашув ўтказган бўлса, мана шу ўйинларнинг бирортасида гол ўтказиб бормаган. Тўплар нисбати 4-0. "Олмалиқ" уйдаги ўйинларда 11 очкони қўлга киритган. 

Яна бир қизиқ томони шуки, "Пахтакор" ҳали сафарда ғалаба қозонгани йўқ. Жамоа бешта ўйин ўтказган бўлса, шундан учтасида дуранг қайд этган ва икки бор ютқазиб қўйган. Тўплар нисбати 2-8. Кўриб турганингиздек, "Пахтакор" сафарда кўп гол ура олмаяпти.

Шундан келиб чиққан ҳолда бугун "Пахтакор" сафардаги илк ғалабасини қўлга кирита оладими ёки бўлмаса "Олмалиқ"нинг уйда тўп ўтказмаслик серияси давом этадими?

Биласизми, "Олмалиқ" кетма-кет саккиз ўйиндан бери ютқазмай келмоқда. "Пахтакор"нинг қаторасига мағлубиятсиз серияси бешта ўйинга тенг. Устунлик бобида "Олмалиқ"ни кўрсата оламиз, чунки бу жамоа уйда ҳеч кимга "нон" бермаяпти. "Пахтакор" эса Жасур Абдураимов қўл остида ҳалиям ўз ўйинини топиб олиш билан овора.