Гиди Канюк "Пахтакор"ни тарк этади
24 янв 2018 16:43
Новости

Гиди Канюк "Пахтакор"ни тарк этади

Тошкентнинг "Пахтакор" жамоасининг исроиллик легионер футболчиси Гиди Канюк фаолиятини бошқа жамоада давом эттириши мумкин.

"Championat.asia" сайтига маълум бўлишича, "Пахтакор" ярим ҳимоячиси Гиди Канюк янги мавсумда "шерлар" шарафини ҳимоя қилмайди.

Олинган хабарларга кўра, Гиди Канюкка Исроилнинг "Маккаби Тель Авив" жамоасидан жиддий қизиқиш мавжуд. Исроил чемпионатининг пешқадам жамоаси "Маккаби Тель Авив" клуби катта эҳтимол билан Гиди Канюк трансферини харид қилиши мумкин.

Бунга қадар Гиди Канюк Исроилнинг "Маккаби Петах" клубида сафида ҳаракат қилганди.

Эслатиб ўтамиз, ўтган йили ёзда "Пахтакор" клуби исроиллик футболчи Гиди Канюк билан 2,5 йиллик битимга имзо чекканди.

Айни пайтда Гиди Канюк "Пахтакор"нинг Тошкентдаги машғулотларида иштирок этмаяпти.

Футболчи яқинда ўзининг "Instagram"даги саҳифасида аввалига Москва, кейинчалик эса Исроил аэропортида тушган расмини жойлади.

Гиди Канюк масаласида "Пахтакор" клуби матбуот хизмати билан боғланганимизда, улар буни изоҳсиз қолдиришди.

Канюк, Гриффитс ва "Насаф" афсонаси қаерда?

Эртага "Пахтакор" янги футболчиларни таништиради

Ссылка :

Источник : championat.asia

Получайте новости прямо в Telegram!

Рейтинг: +24