Гейе "Тоттенхэм" қизиқишлари доирасига тушиб қолди

Футболчининг Париж клуби билан шартномаси 2023 йилга қадар мўлжалланган.

Гейе ПСЖга "Эвертон"дан 2019 йилда 33 млн евро эвазига ўтган эди. У дастлаб асосий ўйинчилардан бирига айланган эди, аммо, жорий мавсум асосий таркибдаги ўрнини йўқотди. ПСЖнинг ўйинчи учун 20 млн евро атрофида сўраши кутилмоқда.

Гейе жорий мавсум Франция чемпионати доирасидаги 25та ўйинда майдонга тушиб, 3та гол ва 1та ассист қайд этди.