Футзал. Самарқанд Ўзбекистон кубоги "Ғарб" минтақасига учрашувларига мезбонлик қилмоқда

Ушбу учрашувларга мезбонлик қиливчи Самарқанд шаҳрида "Ғарб" минтақсидан чорак финалга учта йўлланма эгалари аниқланади.

Футзал бўйича Ўзбекистон кубоги баҳсларининг дастлабки саралаш учрашувлари икки минтақада бўлиб ўтиб, унда "Шарқ" ва "Ғарб"дан 8 та чорак финалга йўл олган жамоалар номи маълум бўлади. "Шарқ" минтақасига Тошкент шаҳри мезбонлик қилса, Самарқанд шаҳри "Ғарб" минтақасига мезбонлик қилади. ЙЎлланмалар эса "Ғарб" минтақаси учун учта, "Шарқ" минтақаси учу бешта қилиб белгиланган.

Бугун Самарқанд вилоят футбол федерациясида Ўзбекистон кубоги саралаш баҳслари учун қуръа ташланди. Жамоалар икки гуруҳга бўлинган ҳолда йўлланмалар учун кураш олиб боради.

Қуръа натижаси билан танишинг:

"А" гуруҳи

1. "Когон" (Когон шаҳри)
2. "Насаф" (Қарши шаҳри)
3. "СФК" (Самарқанд Футзал Комплекси) (Самарқанд шаҳри)

"Б" гуруҳи

1. "Дўстлик" (Қарши шаҳри)
2. "Нафис" (Самарқанд шаҳри)
3. "Самарқанд" (Самарқанд шаҳри)

Ушбу жамоалар ўзаро рейтинг бўйича баҳслар олиб боради.

Биринчи.

"Насаф" - "СФК"  жамоалари ўзаро баҳс олиб боради ва ғолиб гуруҳ пешқадамлиги учун "Когон" билан курашади.

"Нафис" - "Самарқанд" жамоалари ўзаро баҳс олиб боришиб, ғолиб "Дўстлик"ка қарши майдонга чиқди.

Иккинчи.

а. "Когон" - Биринчи учрашув ғолиби  ("Насаф"-"СФК" ғолиби)  ўзаро баҳс олиб бориб ғолиб Ўзбекистон кубоги чорак финалига йўл олади.

б. "Дўстлик" - Биринчи учрашув ғолиби ("Нафис" - "Самарқанд" ғолиби) ўзаро баҳс олиб боришиб яна битта Ўзбекистон кубоги йўлланмаси эгаси маълум бўлади.

Учинчи.

"а" ва "б" гуруҳининг мағлуб бўлган жамоалари ўзаро баҳс олиб боришиб учрашув ғолиби "Ғарб" минтақаси учун ажратилган учинчи йўлланма эгасига айланади.

Учрашувлар 11-15 декабрь кунларида бўлиб ўтади ва натижалар билан таништириб борамиз.