Футзал. "Локомотив"дан кетма-кет иккита ғалаба

Маълумки, 7-тур учрашувларига Олмалиқ шаҳри мезбонлик қилмоқда. "Локомотив" футзал клуби 7-турни дуранг билан бошлади. Футзалчиларимиз "Максам-Чирчиқ" билан кечган баҳсда 4:4 ҳисобини қайд этишди. 

Аммо шундан кейин бўлиб ўтган иккита ўйинда ғалаба қўлга киритилди. Аҳад Юсупов шогирдлари дастлаб кеча мусобақанинг иккинчи кун ўйинида Қаршининг "Насаф" футзал клуби билан беллашиб, 8:3 ҳисобида зафар қучишди. Бугун эса "Нефтчи" билан кечган баҳсда 5:2 ҳисобидаги ғалаба қўлга киритилди.

Кечаги ўйинда Сарвар Шоаҳмедовнинг дубли ҳамда Музаффар Аҳаджонов, Аббос Элмуродов, Артур Юнусов, Асомиддин Жалолиддинов, Руслан Веклич, Мурод Ражабов томонидан киритилган голлар жамоамизга уч очкони келтирган бўлса, бугунги беллашувда Сарвар Шоаҳмедов 3та тўп киритди. Шунингдек иккита гол Жамолиддин Шарипов ҳисобига ёзилди. 

Шундай қилиб "Локо" футзалчилари 7-тур ўйинларида 7 очкони қўлга киритишди. Энди 8-турга тайёргарлик бошланади.

Футзал. Ўзбекистон XXIII миллий чемпионати

7-тур. Биринчи кун. 19 август

"Локомотив" - "Максам-Чирчиқ" 4:4

7-тур. Иккинчи кун. 20 август

"Локомотив" - "Насаф" 8:3 

7-тур. Учинчи кун. 21 август

"Локомотив" - "Нефтчи" 5:2