Франция - АҚШ 1:1. Жиру бошидан жароҳат олди+ФОТО
10 июн 2018 08:12
Новости

Франция - АҚШ 1:1. Жиру бошидан жароҳат олди+ФОТО

ЖЧ-2018га тайёргарлик кўраётган Франция терма жамоаси Лион шаҳрида АҚШга қарши ўртоқлик учрашуви ўтказди.

Ўйиндаги ҳисобни океан орти вакиллари Жулиан Гриннинг аниқ зарбаси эвазига очишди. Килиан Мбаппенинг голи эса мезбонларни мағлубиятдан қутқариб қолди.

Эътиборлиси, Франция терма жамоаси ҳужумчиси Оливье Жиру жароҳат олиб майдонни эрта тарк этишга мажбур бўлди. Жиру Мэттью Миазга билан тўқнашув чоғида бошидан жароҳат олди.

Шифокорлар боши ёрилган Оливьега майдоннинг ўзида биринчи ёрдамни кўрсатишди. Лекин футболчи ўйинни давом эттира олмади. Жирунинг жароҳати қанчалик жиддий эканлиги ҳақида ҳозирча маълумот йўқ.

Эслатиб ўтамиз, Дидье Дешам шогирдлари ЖЧ-2018 финал босқичида Австралия, Перу ва Дания терма жамоалари билан бир гуруҳдан жой олган.