"Фиорентина" ярим ҳимоячиси Бове юрагига дефибриллятор ўрнатилишига рози
05 дек 19:48
Новости

"Фиорентина" ярим ҳимоячиси Бове юрагига дефибриллятор ўрнатилишига рози

"Lettera 43" нашрининг хабар беришича, футболчи дефибриллятор имплантациясига рози бўлган ва бугун-эрта операция қилинади.

Италия чемпионати регламенти футболчига имплантация қилинганидан кейин 6 ойдан кам вақт ўтмагунча мусобақаларда қатнашишига рухсат бермайди.

Бове 1 декабрь куни Италия чемпионати 14-туридан ўрин олган "Интер" билан учрашувнинг биринчи бўлимида ҳушини йўқотди. 22 ёшли футболчи ўйиннинг 17-дақиқасида ўзини ёмон ҳис қилиб, майсага йиқилди. Шифокорлар футболчини майдонда жонлантиришга уриниб кўришди, кейинроқ тез ёрдам машинасида олиб кетишди. Бове касалхонада ўзига келди. ОАВ маълумотларига қараганда, ярим ҳимоячининг юраги тўхтаб қолган ва эпилептик тутқаноқ тутган.

"Фиорентина" 13 турдан кейин 28 очко билан Италия чемпионатида 4-ўринда кетмоқда.

Ссылка :

Источник : Lettera 43

Получайте новости прямо в Telegram!

Рейтинг: +3