ФИФА вакили "Forward" дастури бўйича юртимизга ташриф буюрди

Ташрифдан кўзланган асосий мақсад Ўзбекистон футбол ассоциацияси томонидан "Forward" дастури бўйича амалга оширилаётган чора-тадбирлар билан яқиндан танишишдан иборат бўлди.

Уч кун давомида ФИФА вакили турли спорт объектларида бўлиб, "Forward" дастури бўйича амалга оширилаётган ишларни кўздан кечирди. Жумладан, "Чиғатой" спорт базасида барпо этилаётган сунъий қопламали майдоннинг қурилиш ишлари билан яқиндан танишди. Шунингдек, "Миллий" стадионни бориб кўрди.

Бундан ташқари, Андрей Вашкевич ЎФАда мутасаддилар ва бўлим бошлиқлари билан учрашув ўтказиб, Ўзбекистонда футбол ривожи учун амалга оширилаётган ислоҳотлар ҳақида фикр алмашди. Келгуси режалар ва янги лойиҳалар ҳақида мулоқот уюштирди.