ФИФА Перу терма жамоаси тарихидаги энг яхши тўпурарни кечирди ва у ЖЧ-2018га боради
21 дек 2017 09:50
Новости

ФИФА Перу терма жамоаси тарихидаги энг яхши тўпурарни кечирди ва у ЖЧ-2018га боради

"Фламенго" ва Перу терма жамоаси ҳужумчиси Хосе Паоло Герреро 2018 йил Россияда бўлиб ўтадиган жаҳон чемпионатида иштирок этмаслиги кутилганди.

Ҳужумчининг қонидан кокаин топилгани учун бир йилга дисквалификация қилинганди.

ФИФА апелляцион қўмитаси унинг арзини қисман қондиришга қарор қилди ва унинг дисквалификациясини 6 ойга қисқартирди.

ФИФА баёнотига кўра, Герреронинг 6 ойлик дисквалификацияси 2017 йилнинг 3 ноябридан кучга кирган деб ҳисобланади ва 3 майга қадар у футбол ўйнай олмайди.

Хосе Паоло Герреро Перу терма жамоаси тарихидаги энг яхши тўпурар ҳисобланади. У миллий жамоа сафида 32та гол уришга муваффақ бўлган.