ФИФА ЖЧ-2022 саралаши борасида жиддий қарор қабул қилди. Бу Ўзбекистон МТЖга ҳам таъсир қилиши мумкин

Унга кўра "H" гуруҳида иштирок этган КХДР терма жамоаси саралашни давом эттира олмаслиги боис унинг олдинги натижалари бекор қилинди. Шу сабабли Туркманистон терма жамоаси 3 очкодан маҳрум бўлди ва гуруҳда биринчи ўриндан учинчи ўринга тушиб қолди.

Яна бир жиҳат гуруҳдаги энг яхши иккинчи ўринни олган жамоаларни аниқлашда энди гуруҳлардаги бешинчи ўринни эгаллаган терма жамоалар билан ўйинлар бекор қилинади.

Яъни дейлик Ўзбекистон миллий терма жамоаси гуруҳда иккинчи ўринни эгалласа гуруҳимиздаги сўнгги ўринни эгалланган терма жамоа билан ўйинлар бекор қилинади. Бундай ҳолатда биз учун сўнгги ўринни Фаластин эгаллагани яхшироқ. Сабаби Сингапур ва Яманни бир мартадан мағлуб этганмиз, Саудия Арабистонидаги марказлашган мусобақада ҳам бу жамоаларни ютамиз деб умид қиламиз. Шунда Сингапур ва Ямандан 6тадан очко олган бўламиз. Фаластиндан эса 3 очко олганмиз (битта ғалаба, битта мағлубият).

Айни пайтда иккинчи ўриндаги жамоалар рейтинги қуйидагича кўриниш олган:

Биз Ўзбекистон терма жамоасига бўлажак учала баҳсда ҳам ғалаба қозонишига ишонамиз, шундай бўлса вакилларимиз гуруҳда БИРИНЧИ ўрин билан кейинги босқичга чиқишади. Саудия Арабистони эса гуруҳда охирги ўринни ким олди деб ҳисоб-китоб қилади.