Факт. "Сурхон" ва "Динамо" охирги 4 турда бир хил натижа қайд этмоқда

Негаки ҳар икки жамоа кетма-кет 4та турдан бери фақат мағлубиятга учрамоқда. "Сурхон" 14-17 турлар оралиғида "Олимпик", "Навбаҳор", "Металлург" ва АГМКга қарши баҳс олиб бориб, ҳаммасида мағлуб бўлди. Жамоа бу ўйинларда 2та гол уриб, ўз дарвозасидан 11 бор тўп олиб чиқди. 

Вадим Абрамов қўл остидаги "Динамо" эса иккинчи даврада "Пахтакор", "Сўғдиёна", "Қизилқум", ва "Бунёдкор" клубларига қарши майдонга тушиб, барчасига имкониятни бой берди. Охирги тўртта ўйинда тўплар нисбати 5-11. 

Бундан кўриниб турибдики, ҳар икки жамоа ҳозирги пайтда қийин кунларни бошдан кечиряпти. Бу омадсизлик қачонгача давом этиши номаълум.