Европа чемпионатлари тарихи: Евро-1984
26 мая 2016 21:00
Новости

Европа чемпионатлари тарихи: Евро-1984

"Кўҳна қитъа" чемпионатлари тарихи билан таништиришда давом этамиз.

Еттинчи Европа чемпионати 1984 йилнинг 12-27 июнь кунлари Франция шаҳарларида бўлиб ўтди. Турнирнинг финал қисмида 8 та терма жамоа иштирок этган: 7 та жамоа саралаш ўйинлари ғолиблари ва мезбон Франция терма жамоаси.

Бу турнирда ўтган сафаргисига қараганда бироз ўзгартириш киритилган. Яъни, 1980 йили бўлиб ўтган қитъа чемпионатида фақат гуруҳ ғолиблари финал ўйинида тўғридан-тўғри иштирок этган бўлсалар, бу сафар гуруҳда биринчи ва иккинчи ўринни эгаллаган терма жамоалар ярим финал босқичида тўқнаш келишган. Учинчи ўрин учун ўйин эса айнан ушбу турнирдан бошлаб ўтказилмаган. Финалда Испанияни 2:0 ҳисобида мағлубиятга учратган мезбонлар – Франция терма жамоаси турнир ғолибига айланган.

Қатнашчилар: Бельгия, Дания, Испания, Португалия, Руминия, Франция, ГФР, Югославия.

"А" гуруҳи: Франция, Дания, Бельгия, Югославия
"Б" гуруҳи: Испания, Португалия, ГФР, Руминия

Ярим финаллар:
Франция - Португалия 3:2
Дания - Испания 1:1 (пен. 4-5)

Финал:
Франция - Испания 2:0