ЕВРО-2016. Ҳар бир гуруҳдаги вазиятлар ҳақида

Бу чемпионатда илк бор 16 эмас 24та жамоа иштирок этмоқда. Гуруҳ босқичида 24 жамоанинг 8таси қолиб кетади. Яъни ҳар бир гуруҳда охирги ўринни олган 6 жамоа ва 3-ўрин орасида энг ёмон натижа қайд этган 2 жамоа.

Биз ҳар бир гуруҳдаги вазиятга тўхталиб ўтамиз.

"A" ГУРУҲИ

№	Жамоа	Ў	Ю	Д	М	Т-Н	О
1	Франция	2	2	0	0	4-1	6
2	Швейцария	2	1	1	0	2-1	4
3	Руминия	2	0	1	1	2-3	1
4	Албания	2	0	0	2	0-3	0

"A" гуруҳида Франция кейинги босқичга чиқиб бўлди. Охирги ўриндаги Албанияда учинчи ўринни олиш учун кичик имконият бор.

Охирги турда Руминия - Албания билан ўйнайди. Руминлар ғалаба қозонишса 90 фоиз 1/8 финалга чиқишади. Албания ғолиб бўлса қолган гуруҳлардаги учинчи ўринни эгаллаган жамоалар натижасини кутади. Дуранг бўлса катта эҳтимол билан иккала жамоа уйига кетади.

Швейцария эса Франция билан тўқнаш келади. Бу учрашувда Қайси жамоа ғолиб бўлса гуруҳда биринчи ўрин билан кейинги босқичга чиқади. Дуранг ҳам иккала жамоани қониқтиради.

"B" ГУРУҲИ

№	Жамоа	Ў	Ю	Д	М	Т-Н	О
1	Англия	2	1	1	0	3-2	4
2	Уэльс	2	1	0	1	3-3	3
3	Словакия	2	1	0	1	3-3	3
4	Россия	2	0	1	1	2-3	1

"B" квартетида вазият жуда ҳам чигал. Охирги ўриндаги Россияда ҳам гуруҳ ғолиби бўлиш учун имконият мавжуд. Руслар 3-турда Уэльсни мағлуб этишса 90 фоизга кейинги босқичга чиқишади. Англия охирги турда Словакияга ютқазмаса гуруҳдан чиқади. Словакия ғолиб бўлса 1/8 финалга йўл олади. Дуранг бўлса гамшик ва шериклари қолган гуруҳлардаги вазиятни кузатишади.

"C" ГУРУҲИ

№	Жамоа	Ў	Ю	Д	М	Т-Н	О
1	Германия	2	1	1	0	2-0	4
2	Польша	2	1	1	0	1-0	4
3	Шим.Ирландия	2	1	0	1	2-1	3
4	Украина	2	0	0	2	0-4	0

"C" гуруҳида Украина 2-турдан сўнг гуруҳдан чиқа олмаслиги маълум бўлган ягона жамоа бўлди. Украинлар охирги турда ғалаба қозонишса ҳам тўртинчи ўриндан тепага кўтарила олишмайди. Польша Украинага ютқамаса кейинги босқичга чиқади. Йирикроқ ҳисобда ютқазиб қўйса ва учинчи ўринни олса гуруҳда қолиб кетиши мумкин. Лекин бундай бўлиш эҳтимоли жуда паст.

Шимолий Ирландия - Германия учрашувида ким ютса ўша кейинги босқичга чиқади. Дуранг бўлса Германия нимчоракка йўл олади, Майкл Онил шогирдлари қолган ўйинлар натижаларини кутишлари керак бўлади.

"D" ГУРУҲИ

№	Жамоа	Ў	Ю	Д	М	Т-Н	О
1	Испания	2	2	0	0	4-0	6
2	Хорватия	2	1	1	0	3-2	4
3	Чехия	2	0	1	1	2-3	1
4	Турция	2	0	0	2	0-4	0

"D" гуруҳида Испания ҳам Франция каби гуруҳдан чиқиб бўлди. Улар охирги турда Хорватияга ютқазишмаса гуруҳ ғолиби бўлишади. Хорватия ғолиб бўлса биринчи ўринни эгаллайди. Дуранг ҳам Хорватияни кейинги босқичга чиқиши учун етарли бўлади. Чехия - Туркия ўйинида чехлар йирик ҳисобда ютишса ва хорватлар нариги ўйинда ютқазишса иккинчи ўринни эгаллашади. Дуранг бўлса Чехия ҳам Туркия ҳам уйга кетишади. Туркия ғалаба қозониб учинчи ўринни эгаллайди ва қолган гуруҳлардаги натижаларни кутади.




"E" ГУРУҲИ

№	Жамоа	Ў	Ю	Д	М	Т-Н	О
1	Италия	2	2	0	0	3-0	6
2	Бельгия	2	1	0	1	3-2	3
3	Швеция	2	0	1	1	1-2	1
4	Ирландия	2	0	1	1	1-4	1

"E" гуруҳда Италия биринчи ўринни нақд қилди. Сўнгги турда "Скуадра Адзурра" Ирландия билан ўйнайди. Фақат ўта йирик Ғалаба Ирландияга кейинги босқич эшикларини очиши мумкин. Дуранг бўлса Робби Кин ва шериклари Францияни тарк этишади. Швеция Бельгияни ютса ва Ирландия юта олмаса иккинчи ўринни олади. Дуранг бўлса Златан ҳам уйига кетади. Бельгия ғалаба қозонса аниқ, дуранг ўйнаган 90 фоизга 1/8 финалда ўйнайди. Мағлубият кузатилса ҳам уларда кичик имконият қолади.




"F" ГУРУҲИ

№	Жамоа	Ў	Ю	Д	М	Т-Н	О
1	Венгрия	2	1	1	0	3-1	4
2	Исландия	2	0	2	0	2-2	2
3	Португалия	2	0	2	0	1-1	2
4	Австрия	2	0	1	1	0-2	1

"F" квартетида ҳам вазият жуда чигал кўриниш олган. Венгрия ҳозирча кейинги босқич масаласини 80 фоизга ҳал қилди. Жамоа Португалияга 4-5та тўп фарқ билан ютқазса гуруҳдан чиқа олмаслиги мумкин. Португалия ғолиб бўлса кейинги босқичга чиқади. Дуранг кузатилса жуда катта эҳтимол билан Криштиану Роналду ва жамоадошлари анча барвақт таътилга чиқиб кетишади. Исландия Австрияни мағлуб этса нимчорак финалда ўйнайди. Австрия ҳозир сўнгги ўринда турибди, лекин ғалаба 70 фоиз эҳтимол билан уларни навбатдаги босқич сари етаклайди.



Смартфон ютишни истайсизми, унда марҳамат! Шартлар эса бу ерда >>>> ТАНЛОВ