"Эшитдик-да"нинг инсайди тасдиқланди. Максим Лисицин – Қирғиз Республикаси бош мураббийи!
14 июн 11:17
Новости

"Эшитдик-да"нинг инсайди тасдиқланди. Максим Лисицин – Қирғиз Республикаси бош мураббийи!

Россиялик 46 ёшли мутахассис Максим Лисицин Қирғиз Республикаси миллий терма жамоаси бош мураббийи этиб тайинланди.

У терма жамоани сентябрь ойида бошланадиган 2026 йилги Жаҳон чемпионатига саралашнинг учинчи босқичига тайёрлайди.

Максим Лисицин Қирғиз Республикасидаги фаолиятини 4 йил аввал бошлаган. 2022 йилда унинг бошчилигидаги U-20 ёшлар терма жамоаси Осиё Кубоги финалига чиқди. Бундан ташқари, россиялик мутахассис Қирғиз Республикасининг 23 ёшгача бўлган олимпия терма жамоасини Осиё чемпионати саралаш ўйинларида бошқариб борди.

Кеча Қирғиз футбол иттифоқи ижроия қўмитаси Лисицин номзодини маъқуллагач, ҚР футбол федерацияси президенти Қамчибек Ташиев жамоанинг янги бош мураббийи билан учрашди. У жамоанинг янги мураббийига муваффақият тилади ва унинг раҳбарлигида жамоа янги марраларни забт этишига ишонч билдирди.

Қирғиз футбол иттифоқи ва янги бош мураббий ўртасидаги шартнома 1 йилга мўлжалланган. Максим Лисицин Жаҳон чемпионати саралашининг учинчи босқичи якунига қадар ишлайди.

Аввалроқ Championat.asia сайти Лисицин Қирғиз Республикаси бош мураббийига айланиши ҳақида хабар берган эдик.

Ссылка :

Источник : Kyrgz Football Union

Получайте новости прямо в Telegram!

Рейтинг: +2