Эшитдик-да! "Бухоро" клубининг футболчилардан жами 1 миллиард сўмдан кўпроқ қарзи бор

2020 йил ушбу клубда ўйнаган футболчилар 7 ой мобайнида ойлик маош олишмаган. Championat.asia сайти маълумотига кўра, жами қарздорлик 1 миллиард сўмдан ошиб кетган. 23 январь куни ЎФА томонидан чиқарилган қарорга кўра "Бухоро" клуби 1 март санасига қадар футболчилар олдидаги қарздорликни тўлиқ бартараф этиши лозим эди. Бироқ ҳозиргача футболчиларга қарзлари тўлаб берилмаган.

Про лиганинг янги мавсуми бошланишига оз муддат қолди. Агар қарздорликлар бартараф этилмаган "Бухоро" ҳатто Про лигада ҳам иштирок эта олмаслиги мумкин.

Бугун ЎФУ раҳбари Камолиддин Мурзоев шу масалада "Бухоро" клуби собиқ футболчилари билан видеоконференция ташкил этди. Футболчилар ҳамон қарзлар ёпилмаганини маълум қилишди. ЎФУ тез орада бу муаммо бартараф этилишига умид қилади ва бу борада футболчиларга ҳар қандай ёрдамни беришга тайёр.