RU

Последние новости

12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  0 11:58Меҳди Таремининг янги клуби маълум  0 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  7 08:17Sofascore. Захирадан майдонга тушган Ўринбоев энг катта баҳолардан бирини олди  5 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  3 07:25"Ал Иттиҳод" мавсумни йирик ғалаба билан бошлади. Бенземадан хет-трик  2 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  27 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4

Эроннинг янги бош мураббийи: "Биз янада кучайиб қайтамиз" Новости

Эроннинг янги бош мураббийи: "Биз янада кучайиб қайтамиз"

Эрон терма жамоасини яқинда Драган Скочич қабул қилиб олди.

Маълумки, эронликлар ЖЧ-2022 саралаш босқичида кутилган натижани қайд эта олишмаяпти. Жамоа сафарда Ироқ ва Баҳрайнга имкониятни бой берган ҳолда гуруҳ жадвалида 3-ўринни эгаллаб турибди. 

Марк Вильмотс ўрнига таклиф этилган хорватиялик мураббий Эрон терма жамоасини жаҳон чемпионатига олиб чиқишга ваъда берди. 

"Аввало шуни айтишим керак, Эрон терма жамоасини бошқариш мен учун катта шараф, - дейди Драган Скочич. - Бу юрт футболи ҳақида тасаввурга эгаман ва футболчиларини кучли деб ҳисоблайман. Мен Эронга ижобий хислатлар улашиш учун келдим, бу эса айни пайтда терма жамоага ниҳоятда керак". 

"Биз олтинчи бор мундиалга боришни хоҳлаймиз, шунинг учун ҳам бу ерга келдим. Ўйлашимча, терма жамоада нимадир хато кетган, буни тўғрилаш эса менинг вазифамга киради. Бугундан бошлаб 24 соат давомида клублар билан мулоқотда бўламан. Терма жамоага лойиқ ҳар бир футболчи билан алоҳида гаплашаман", - дейди 51 ёшли мутахассис.

 

Маълумот учун, Драган Скочич ўз пайтида Эроннинг "Малаван" ва "Фулад" клубларини бошқарган ҳамда мамлакат футболини жуда яхши билади. 

"Терма жамоа эшиги ҳамма учун бирдек очиқ. Мен фақат энг яхшиларнигина таклиф этаман. Аввало ўйин сифатини йўлга қўйиб олишимиз лозим. Баъзи ўйинларда кўрдимки, муаммолар бор ва март ойигача буни йўқотиш устида ишлаймиз. Мана кўрасиз, биз янада кучайиб қайтамиз. Мен беш йилдан бери Эронда ишлаб келяпман ва жаҳон чемпионатига чиқиш мухлисларни қанчалик хурсанд қилишини жуда яхши тушунаман".

 

Эрон Баҳрайн ва Ироқдан мағлуб бўлиб қимматли очколарни бой берди. Айни пайтда форслар Ироқдан 5 очко, Баҳрайндан эса 3 очко ортда қолишяпти. Маълумот учун, ЖЧ-2022 саралашнинг ҳозирги босқичида 32 жамоа кураш олиб боряпти. Жамоалар тўрттадан 8 гуруҳга бўлинган. Гуруҳлардан 8та биринчи ўринни эгаллаган ҳамда 4та энг яхши иккинчи ўрин эгалари кейинги босқичга чиқади. 

Эрон саралашнинг навбатдаги учрашувини 26 март куни Гонконга қарши ўтказади. Лекин барибир ҳал қилувчи ўйинлар 4 ва 9 июнь кунлари Баҳрайн ва Ироққа қарши бўлиб ўтади.

Рейтинг: -8   

Комментарии

championat.asia
< посмотреть последние новости
Яндекс.Метрика