Эрон футзал терма жамоаси аъзосининг коронавирусдан вафот этгани рад қилинди
01 мар 2020 23:46
Новости

Эрон футзал терма жамоаси аъзосининг коронавирусдан вафот этгани рад қилинди

Аввалроқ ОАВ эронлик спортчи Ильҳам Шейхининг коронавирус қурбонига айлангани ҳақида бонг урганди.

Бугун Эрон аёллар терма жамоасининг 23 ёшли вакиласи тирик ва соғ-саломат экани эълон қилинди. Шейхининг сўзларига кўра, хато маълумотлар тарқалишига мамлакатда вирус қурбонига айланган аёллардан бирининг ёши ва исми уники билан бир хиллиги сабаб бўлган. Спортчи бугунги кунда саломатлиги жойида эканини ўз фикрларига илова қилган.

Маълумот учун, айни дамда дунё бўйича 85 403та коронавирусдан зарарланиш ҳолатлари рўйхатдан ўтказилган. 2995 нафар инсон аллақачон вирус қурбонига айланиб улгурди.