Элдор Шомуродов "Рома" машғулотларига қайтди

Олимпиададаги иштирокдан сўнг Шомуродов "Рома" машғулотларида иштирок этди.

Яқин вақтларда таркибига бошқа бир ҳужумчини қўшиб олишга яқин турган "Рома" Шомуродовни янги мавсумда ҳам бошқа жамоага ижарага бериб юбориши кутилмоқда. Айни дамда унинг хизматларига "Верона" томонидан қизиқишлар бўлаётгани айтилганди.

Маълумот учун, ўтган мавсумни "Кальяри" таркибида ўтказган ҳужумчи 24 ўйинда 3тадан гол ва ассист қайд этди. Унинг "Рома" билан яна бир йиллик шартномаси бор.